“Putin do të dyfishojë sulmet mbi Ukrainën”, paralajmëron kryeministri britanik

Kryeministri i Britanisë së Madhe, Boris Johnson, beson se Vladimir Putin synon të “dyfishojë” sulmin e tij në Ukrainë, pasi presidenti rus parasheh se nuk ka rrugëdalje tjetër përveçse “të vazhdojë me shkatërrimin”.

Kryeministri britanik përshkroi momentin kur u zgjua në mes të natës me lajmin e granatimeve ruse të një centrali bërthamor në Ukrainë më 4 mars, duke thënë se siguria evropiane është “po aq e rrezikuar” nga një sulm i tillë.