Rama publikon një tjetër grafik: TVSH-ja për biznesin e vogël është zero! Do vazhdojmë ta mbrojmë edhe nga rritja e çmimit të energjisë

Kryeministri Edi Rama ka publikuar një tjetër grafik, ku këtë herë ka treguar se Shqipëria është i vetmi vend në rajon që e ka TVSH-në zero për biznesin e vogël. Ai thotë se qeveria do të vazhdojë ta mbrojë biznesin e vogël edhe nga rritja e çmimit të energjisë.
“Ja edhe ngarkesa e TVSH mbi biznesin e vogël, të cilin do të vazhdojmë ta mbrojmë edhe nga rritja e çmimit të energjisë, siç po mbrojmë të gjitha familjet po ashtu, si askund tjetër ku faturat e energjisë po kripen vijimësisht”, shkruan Rama.
Më herët, kryeministri publikoi grafikët ku tregohej se taksa për biznesin e vogël në Shqipëri ishte 0, si në asnjë vend tjetër në Europë, ndërsa taksa për biznesin e madh ishte më e lartë se në vendet e rajonit.
