Rritet FRIKSHËM numri i civilëve të vrarë në Ukrainë, OKB bën bilancin

Më shumë se 406 civilë janë vrarë në Ukrainë që nga fillimi i pushtimit rus më 24 shkurt, tha Zyra e Komisionerit të Lartë të OKB-së për të Drejtat e Njeriut (OHCHR).

Sipas tyre, 801 civilë kanë mbetur të plagosur, duke shtuar se shifrat reale ka mundësi të jenë shumë herë më të larta.

Këto shifra përfshijnë të dhëna të mbledhura që prej fillimi të luftës më 24 shkurt 2022, kur filloi sulmi i armatosur i Federatës Ruse kundër Ukrainës dhe deri në mesnatën e 6 marsit.