Rusia “merr në dorë” ndërtesën shtetërore në Kherson, qytetarja: Na kanë kërkuar që të mos provokojmë ushtarët rusë

Trupat ruse kanë pushtuar plotësisht ndërtesën e administratës shtetërore në Kherson.

Përmes një postimi në rrjetet sociale, kreu i administratës,Hennadiy Lahuta, ka thënë se ndonëse ndërtesa është marrë nga forcat ruse, ata nuk kanë hequr dorë nga detyrat e tyre.

“Ne nuk kemi hequr dorë nga detyrat tona”, ka shkruar Lahuta. Stafi operativ rajonal, të cilin unë drejtoj, vazhdon të punojë dhe të trajtojë çështje urgjente për të ndihmuar banorët e rajonit. Ne jemi në pritje të ndihmës humanitare”, tha ai.

Ndërkohë më herët, një qytetare ukrainase në Kherson tha se nga qeveria u janë komunikuar rregulla të reja për të zbatuar.

Ajo rrëfeu se u është kërkuar që mos të provokojnë ushtarët rusë.

“Ne kemi disa rregulla për të ndjekur, ata ranë dakord me qeverinë tonë që ne të mos provokojmë ushtarët rusë”, tha ajo.

Back to top button
LAJMET E FUNDIT