“Ushtarët po dezertojnë”/ Putin si Stalini: Dërgon grupe ekzekutimi për rusët që duan t’i ikin luftës

Të shumtë janë zërat nga Ukraina që thonë se brenda ushtrisë ruse ka nga ata që nuk duan të luftojnë dhe që kanë dorëzuar armët.

Tashmë këto zëra janë vërtetuar, teksa thuhet se  Vladimir Putin po dërgon skuadra ekzekutimi në Ukrainë, me qëllim për të pushkatuar çdo rus që përpiqet t’i ikë luftës.

Shërbimet e sigurisë të Ukrainës pretendojnë se të burgosurit e luftës u kanë treguar atyre për taktikën e tmerrshme të Kremlinit, duke shfaqur gjithë habinë kur i janë drejtuar armët.

“Skuadrat e ekzekutimit” janë një ringjallje e taktikave të Stalinit të Luftës së Dytë Botërore dhe janë një tjetër shenjë e moralit të tmerrshëm midis trupave të Moskës.

Ka pasur gjithashtu raporte për dërgimin e njësive çeçene në përpjekje për të ndaluar dezertorët rusë. Që nga fillimi i pushtimit rus më 24 shkurt, Kievi ka publikuar video të robërve rusë të cilët thoshin në kamera se si zgjodhën të hiqnin dorë në vend që të vazhdonin të luftonin.

Ukraina është përpjekur të përfitojë nga morali i dobët rus gjatë gjithë pushtimit dhe po zhvillon një luftë të vetën propagandistike për të promovuar histori suksesi.

Denys Monastyrsky, ministri i punëve të brendshme, tha: “Ne po shohim raste të dorëzimit kur trupat ruse kontaktojnë vullnetarisht ushtrinë tonë dhe deklarojnë se duan të dorëzohen, se nuk marrin pjesë në armiqësi aktive”.

Ai pohoi se shumë e kuptuan se po përdoreshin si “mish për top” nga komandantët e tyre.

Qendra për Strategjitë e Mbrojtjes, një institut udhëheqës në Ukrainë, i bëri jehonë kësaj, duke thënë: “Forcat ruse janë të vetëdijshme për pashpresën e situatës së tyre dhe zgjedhin gjithnjë e më shumë dezertimin për të shmangur vdekjen”.

Back to top button
LAJMET E FUNDIT