Ushtria ukrainase: Forcat ruse kanë edhe tre karburant dhe municione!

Forcat ruse kanë vetëm tre ditë të tjera karburant, ushqim dhe municione për të kryer luftën pas një prishjeje në zinxhirët e tyre të furnizimit, kanë pretenduar komandantët ushtarakë ukrainas.

Pretendimet për mungesa të mëdha u përshkruan si “të besueshme” nga zyrtarët perëndimorë, megjithëse ata thanë se nuk ishin në gjendje të vërtetonin analizën. Raporti nga komanda e përgjithshme e Forcave të Armatosura ukrainase thuhej se ishte në përputhje me provat se përparimi rus kishte ngecur dhe se ata ishin rikthyer në përdorimin e sulmeve artilerie “të padiskutueshme dhe të dëmshme” ndaj civilëve.

“Ne mendojmë se forcat ruse kanë përdorur shumë materiale duke përfshirë kategori të veçanta armësh dhe kemi parë raporte të izoluara të njësive të veçanta të cilave u mungojnë furnizimet e një lloji apo tjetër,” tha zyrtari.

“Është në përputhje me një avancim i cili është ndalur. Avaritë në zinxhirin logjistik ka qenë një nga arsyet që ato nuk kanë qenë aq efektive sa shpresonin”.

Një zyrtar i Pentagonit shtoi se kishte probleme të vazhdueshme morale midis trupave ruse, me mungesë ushqimi dhe karburanti, si dhe ngrirje për shkak të mungesës së veshjeve adekuate.

“Ata po luftojnë në shumë fronte,” tha zyrtari amerikan. Ushtria ukrainase tha se një problem i madh për përparimin rus ishte mungesa për t’u furnizuar me karburant, megjithëse pretendimi nuk mund të verifikohej në mënyrë të pavarur.