Ish-ministri rus zbulon se kur do t’i përdorë Vladimir Putin armët bërthamore

Vladimir Putin do të tërheqë këmbëzën e armëve bërthamore vetëm nëse mendon se Rusia e tij është nën një “kërcënim ekzistencial”, pretendon një ish-ministër i Jashtëm rus.

Pushtimi i presidentit rus në Ukrainë vazhdon të derdhë gjakun e ushtarëve dhe civilëve gati dy muaj pas luftës, por ende armët bërthamore kanë mbetur jashtë tryezës.

Kjo nuk do të thotë se ato nuk do të përdoren megjithëse ish-ministri i jashtëm rus Andrei Kozyrev, ka treguar se çfarë do t’i duhej Putinit të vendoste në punë arsenalin e tij të shkatërrimit në masë.

Kozyrev tha për Fox News Digital: “Ato mund të përdoren, por në situata shumë, shumë specifike. Nëse Rusia kërcënohet ekzistencialisht, domethënë … nëse trupat e NATO-s vijnë në Moskë, atëherë me siguri ata do të përdorin armët bërthamore”.