Po dorëzohet Ukraina? “Mariupol mund të bjerë brenda disa ditësh, priten shumë viktima”

Qyteti i pushtuar ukrainas, Mariupol, mund të bjerë plotësisht në duart e forcave ruse brenda disa ditësh.

Kështu është shprehur një zyrtar evropian për Reuters.

Zyrtari, i cili kërkoi të mos përmendet emri, thotë ndër të tjera se ata besojnë se Rusia shpreson ta shpallë qytetin “të çliruar” deri më 9 maj, datë kur Rusia shënon humbjen e Gjermanisë naziste në 1945.

“Ne presim një shkatërrim të plotë të qytetit dhe shumë viktima civile në Mariupol,” shtoi ai.

Zyrtari shtoi se ata kanë frikë se numri i të vdekurve mund të jetë më i keq se Bucha, ku trupat ruse janë akuzuar për vrasjen e qindra civilëve. Rusia i mohon pretendimet.

Sipas tij, objektivi i Rusisë ishte të kontrollonte Luhanskun dhe Donetsk dhe të siguronte një korridor tokësor me Krimenë, të cilin Rusia e kapi në vitin 2014.

Një operacion i tillë ka të ngjarë të marrë nga katër deri në gjashtë muaj për t’u përfunduar, pas së cilës konflikti mund të rezultojë në një ngërç, shtoi zyrtari.