“Nuk është hera e parë që ndihmojmë Shqipërinë”/ Mediat reagojnë për avionin grek që po shpëton nga flakët Sazanin

Prej disa ditësh ishulli i Sazanit është përfshirë prej flakësh, teksa ditën e sotme në ndihmë të forcave shqiptare ka ardhur një avionit grek tip Canadair CL 415.
Mediet helene kanë raportuar për ndihmën që Athina zyrtare i solli vendit tonë.
“Vendi ynë iu përgjigj menjëherë kërkesës së autoriteteve shqiptare, nëpërmjet Mekanizmit Evropian të Mbrojtjes Civile, për ndihmë, pasi një zjarr i madh po ndodh në ishullin e Sazanit në hyrje të Gjirit të Vlorës”, thuhet në njoftimin e Sekretariatit të Përgjithshme për Mbrojtjen Civile në Greqi.
Sipas autoriteteve greke në momentin e parë të kërkesës, me urdhër të Ministrit të Krizave Klimatike dhe Mbrojtjes Civile, Christos Stylianidis , Greqia vendosi në dispozicion të Mekanizmit një avion Canadair CL – 415 , i cili nisur drejt Shqipërisë.
Në artikull theksohet gjithashtu se kjo nuk është hera e parë që Greqia ndihmon vendin tonë në raste të tilla, duke kujtuar zjarret e përmbytjet në vitin 2017 si dhe tërmetin e 2019-ës.
Sipas zougkla.gr Greqia ka ndihmuar disa herë Shqipërinë, si për përballimin e zjarreve në pyje duke dërguar mjete ajrore (2017), ashtu edhe në rastet e përmbytjeve (2017) dhe tërmeteve (2019).
Ministri i Mbrojtjes Niko Peleshi bëri me dije se Greqia e cila i është përgjigjur pozitivisht kërkesës për të sjellë avion tip Canadair CL 415 për shuarjen e zjarrit në Sazan.
“Greqia iu përgjigj menjëherë pozitivisht kërkesës sonë për të angazhuar sot, herët në mëngjes një avion tip Canadair CL 415 për shuarjen e zjarrit në Sazan. Ekspertët vlerësuan se është e nevojshme ndërhyrja nga ajri, por thelbësore mbetet puna e forcave në terren. Mirënjohje partnerëve tanë të Mekanizmit të Mbrojtjes Civile të BE për ndihmën e pakursyer në emergjenca të tilla dhe jo vetëm”, njofton ministri i Mbrojtjes në rrjete sociale.
#TeamEurope🇪🇺 in action.
As response teams battle fire in the island of Sazan🇦🇱, @eu_echo🇪🇺 has made available a specialised firefighting plane by Greece🇬🇷.#EUSolidarity@GreeceinAlbania pic.twitter.com/7CLiOn9s2d— EU in Albania (@EUinAlbania) June 7, 2022