“Vriten vetëm shqiptarët”, gazetari tregon pse ndodhin ekzekutimet: Serbët nuk preken, “Joçiç i Amsterdamit” ka lidhje familjare…

Gazetar i kronikës Jul Kasapi, është shprehur mbrëmjen e sotme se trafikantët nga Shqipëria, Serbia dhe Kroacia bashkëpunojnë me njëri-tjetrin në Ekuador. Sipas tij, serbët janë të paprekshëm për shkak se kreu i tyre ka një lidhje familjare me “bosin” e një prej karteleve kryesore në vend.

Kasapi gjithashtu theksoi se shqiptarët në Amerikën Latine janë duke u vrarë sepse synojnë që ta drejtojnë trafikun e kokainës të vetëm, duke shkelur rregullin kryesor të grupeve mafioze që është bashkëpunimi me njëra-tjetrën.

“Në Ekuador ka mbi 3 mijë kroatë e mbi 2 mijë serbë. Grupet shqiptare kanë bashkëpunuar me serbët që në 1993. Streten Joçiç quhet ky, ose Joçiç i Amsterdamit. Mafia serbe është tejet e fuqishme në Ekuador dhe këtë e thonë autoritetet ekuadoriane. Grupet kriminale të Ballkanit bashkëpunojnë me njëri-tjetrin. Keni dëgjuar ju për serbët në Ekuador, jo.

Vetëm për shqiptarët që vriten atje dëgjojmë ne. Kjo ekziston edhe për një arsye sepse kapo i një prej grupeve kriminale serbe në Ekuador ka lidhje familjare me një prej liderëve të kartelit kryesor. Dhe serbët nuk preken në Ekuador. Po kjo nuk do të thotë se grupet kriminale shqiptare nuk bashkëpunojnë me serbët apo kroatët”, tha gazetari në “Open”.

Back to top button
LAJMET E FUNDIT