Nga Teatri, tek plehrat – Edmond Budina: T’i bashkohemi Metës dhe Berishës, se ata po luftojnë mafien

Regjisori i njohur, Edmond Budina mori pjesë këtë të martë në protestën e mbajtur nga Partia e Lirisë në ambientet e jashtme të inceneratorit të Tiranës.

Gjatë fjalës së mbajtur përpara të pranishmëve, Budina theksoi se inceneratori i Tiranës është skena e krimit që vërteton që këtë vend e drejton mafia.

Ai kërkoi përshkallëzim të protestave pasi një regjimi që të dhunon nuk i duhet kthyer faqja tjetër por duhet rezistencë.

“A e dini që në Shqipëri drejton mafia, në Shqipëri nuk ka qeveri ka mafie dhe mafia bën ligjin në këtë vend. Ja ku jemi te skena e krimit, fakti ja ku është, inceneratori i Tiranës që nuk ekziston. Paratë tuaja të vjedhura. 

Ja ku është skena tjetër e krimit Teatri Kombëtar që e shembën në 4 të mëngjesit me njerëzit brenda. 

Mafia nuk pyet prandaj ne nuk duhet të ndalojmë asnjëherë. Unë mendoj se çdo protestë duhet të ketë një rezultat. 

Ne kemi protestuar te teatri për 2 vite e gjysëm me kulturë dhe cila ishte përgjigjja që na dha shteti, dhuna. Atyre nuk i intereson teatri, u interesion sheshi dhe kullat dhe sheshi aty.

Ka një thënie në Bibël, kur të qëllojnë ktheju faqen tjetër, por kur ai të zhdëp në dru pse t’i kthesh faqen tjetër.

Duhet të përshkallëzojmë protestat dhe të mos dalemi në protesta dhe të mos shohim kush i drejton ato. T’i bashkohem PD dhe Partisë së Lirisë dhe këdo që luton mafien në pushtet”, tha Budina.