ALARM në Porto Romano/ Rrjedhje gazi nga cisternat, evakuuohen banorët

Në zonën e Porto Romanos është ngritur alarmi pasi cisternat kanë pësuar rrjedhje gazi.

E gjithë zona mban era gaz ndërsa banorët janë evakuuar, e po ashtu është ndërprerë mësimi në shkollën ‘Met Hasa’. Sakaq, ende nuk është bërë i ditur shkaku zyrtar i rrjedhjeve nga cisternat.

Më 18 qershor të këtij viti, në depozitat e fabrikës së gazit që ndodhet në një zonë të banuar ra zjarr dhe për disa ditë rresht banorët kërkuan mbylljen e fabrikës. Në zonë kanë shkuar dhe efektiva të policisë.

Të shqetësuar për sigurinë e jetës dhe të ardhmen e fëmijëve, banorë të Porto Romanos kanë protestuar pas incidentit që ndodhi të në fabrikën e gazit në Durrës, duke kërkuar nga autoritetet një zgjidhje të shpejtë të situatës. Shumë familje që jetojnë pranë fabrikës ndjehen të rrezikuar për bashkëjetesën kritike me të.

Back to top button
LAJMET E FUNDIT