PAMJE TË RËNDA/ Rusët bombardojnë kolonën e evakuimit, mes tyre 13 fëmijë

Të paktën 24 civilë, duke përfshirë një grua shtatzënë dhe 13 fëmijë, u gjetën të vdekur në verilindje të Ukrainës, afër Kupyansk.

Lajmin tragjik e ka bërë me dije guvernatori rajonal i Kharkiv, Oleg Sinegubov, duke sqaruar se numri është paraprak dhe se mund të ketë edhe më shumë viktima.

“Rusët sulmuan civilët që po përpiqeshin t’i shpëtonin bombardimeve. Ata qëlluan nga një distancë e afërt”, tha ai.

Oleg Sinegubov tha se policia dhe ekspertët janë në vendngjarje dhe hetimi është duke u zhvilluar. Zyra e prokurorit vendas njoftoi se në vendngjarje u gjetën shtatë makina me civilë që po përpiqeshin të largoheshin nga vendi.

Back to top button
LAJMET E FUNDIT