Arrestimi i radikalistit në Tiranë, motra e 52-vjeçarit AKUZA nuses: Do që t’i marrë shtëpinë, ai nuk…

Një ngjarje e paprecedentë u zbulua ditën e djeshme nga policia e Tiranës, ku një 52-vjeçar mbante prej 6 vitesh të ngujuar në shtëpi gruan dhe dy djemtë e tij të mitur.
Në një intervistë televizive babai dhe motra e Gjergj Laçit, i cili u arrestua ditën e djeshme, pasi akuzohet se mbante prej 6 vitesh të ngujuar në shtëpi gruan dhe dy djemtë e tij të mitur, kanë rrëfyer detaje për jetën e familjarit të tyre.
Por babai dhe motra e 52-vjeçarit kanë një version ndryshe të historisë. Ata pretendojnë se 52-vjeçari nuk ka ushtruar dhunë ndaj gruas dhe fëmijëve dhe se ai vuan prej vitesh nga sëmundje të shëndetit mendor.
Babai i Laçit tha se ai kujdesej për familjen e të birit, me ushqime dhe veshmbathje, ndërsa bën apel që drejtësia ta lirojë nga burgu pasi i biri merr insulinë për diabet.
Ndërkohë motra thotë se askush nuk e merrte në punë vëllanë për shkak të problemeve mendore. Ajo insiston se i vëllai nuk ka dhunuar as gruan e as fëmijët, duke akuzuar kunatën se ka denoncuar 52-vjeçarin në polici për t’i marrë shtëpinë.
Babi i Gjergj Laçit, Nazif: Djali i sëmurë, nuk e dhunonte gruan. Me ushqime dhe veshmbathje i mbaja unë ata jetonin si në kohën e komunizmit nuk punonin.
Djali vuan nga probleme mendore, nuk kishte thënë se kishte konflikte. Gruan nuk e linte të punonte, kohët e fundit nuk e linte as të dilnin nga shtëpia.
I bëj apel drejtësish ta liroje nga burgu se është i sëmure, bën insulina për diabet .
Motra, Rita: Vëllai ka kërkuar punë por askush s’ja jepte, nuk më kishin treguar për konflikte, kaloi kushte te vështira kur i thanë se do i prishej shtëpia për të ndërtuar pallat. Nuk e ka dhunuar gruan, ajo e ka denoncuar që t’i marrë shtëpinë.
Kujtojmë se në dëshminë e dhënë ditën e sotme, Laçi deklaroi se nuk i linte fëmijët të dilnin nga banesa për të mos u infektuar.
“Kam ndjekur parimet e mia fetare. Fëmijët dhe bashkëshorten nuk i kam lënë të dalin për t’i ruajtur nga e keqja. Nuk doja që ata të nisnin drogën apo të infektoheshin”, ka pohuar Laçi.
Por krahas dëshmisë së tij, dy djemtë dhe nëna e tyre kanë treguar në prani të psikologëve se ata dhunoheshin sistematikisht.
Tashmë ata janë dërguar në një qendër rehabilitimi.
Xherxh Laçi, i njohur edhe me emrin Gjergj Laçi pritet të dalë të martën në Gjykatën e Tiranës për t’u njohur me masën e sigurisë.