Çmimet e karburanteve, Rama: Mos hidhni helm, ndiqni mbledhjet e bordit

Kryeministri Edi Rama ka komentuar sot shifrat e publikuara nga Bordi i Transparencës për çmimin e karburanteve.

Në konferencën e përbashkët me ministren Delina Ibrahimaj, Rama u shpreh se media nuk duhet të hedhë helm mbi vendimet.

Ai theksoi se nëse ka interes për të ditur si vendosen çmimet, gazetarët të marrin pjesë në mbledhjet e bordit.

“Është shumë e thjeshtë, doni të bëni një informim të publikut është një gjë, doni të bëni një helmim të publikut është tjetër gjë.

Në mbledhjen e bordit, shkoni uluni atje, shikoni se çfarë diskuton bordi, mbi ç’bazë merren të dhënat. Sa janë marzhet e fitimit? Nxirret inati me qeverinë, por çfarë pastaj?”, u shpreh ai.

Back to top button
LAJMET E FUNDIT