Hakmarrje e Ilir Metës denoncimi i inceneratorëve? Ish ministri i LSI: Në qeverinë e 2017-ës vendosnin dy koka. Lefter Koka…!

Ish-ministri i Drejtësisë ylli Manjani ishte i ftuar ditën e sotme në emisionin “Zona Zero” ku ka folur në lidhje me çështjen e Incenereatorëve.

“Sikur të ishte vetëm hakmarrje e Ilir Metës do ishte më e thjeshtë, por në hapësirat e drejtësisë gjejmë deklarata politike. Interesi i drejtësisë në çështjen e Inceneratorëve duhet të kishte nisur me hetimin e personave që e bëjnë këtë biznes.

Dhe duke mos e bërë këtë, për t’i bërë qefin partisë apo edhe votuesve kapin dhe fusin njerëz brenda dhe kjo është drejtësia popullore. Pushteti në vitet 90 bënte këtë drejtësi, kapte njerëz, i tregonte me gisht që të kënaqej publiku.