Rama tregon arsyet pse do zhvendoset porti aktual i Durrësit

Kryeministri Edi Rama ka tregur disa nga arsyet se përse do të zhvendoset porti aktual në qytetin e Durrësit.
Gjatë fjalës së tij në Kuvend, Rama u shpreh se porti nuk mund të qëndrojë në zemrën e një qyteti turistik, ku ndot ajrin, shkatërron akustikën dhe ku nuk ka mundësi zgjerimi.
Ndër të tjera, Rama nuk kurseu edhe akuzat ndaj opozitës, e cila e kundërshton projektin.
“Çdo punë, çdo punë që ne nisim, këta e pagëzojnë si aferë të madhe, fisi Gagaçopoli. Njëri nga mufot, me buzët që i janë njollosur brisk nga urrejtja gërryese e 110 vjetëve dhe mne sytë e zbardhur nga një helm i pakurueshëm në gjak, i cili e bën show-n në çdo shpresë të re, një aferë të madhe. Një shpresë për përmbysje me dhunë të regjimit, lebetitej sesi mund të hiqej që aty porti më i madh i vendit.
Epo pikërisht edhe për atë hiqet aty, sepse është porti më i madh i vendit dhe nuk mund të rrijë në zemrën e një qyteti turistik, ku jo vetëm ndot ajrin, ku jo vetëm shkatërron akustikën, ku jo vetëm degradon panoramën e qytetit mikpritës, por kur nuk ka edhe asnjë mundësi zgjerimi. Prandaj do ikë që aty, për t’ia përshtatur pikërisht kohës së sotme, jo vetëm për turizëm, por për të qenë porta më e rëndësishme hyrëse nga deti, në ekonominë e krejt Ballkanit Perëndimor”, theksoi kreu i qeverisë.