Veliaj: Meta është i pirë shumicën e kohës! Berisha nuk e kalon dot Rinasin, është rëndë

Kryetari i Bashkisë së Tiranës, Erion Veliaj thotë se kandidatët e Ilir Metës për zgjedhjet e 14 majit janë miniaturë e tij. Në një intervistë për Report Tv nuk kursen komentin për kreun e PL duke thënë se është i pirë shumicën e kohës dhe është bërë gazi i botës.
Sa i përket rastit të një gruaje që deklaronte se cmimi i ujit është rritur me 70%, Veliaj thotë se ‘ata të PL’ nuk i shohin fare faturat.
“Punët në Tiranë nuk bëhen vetëm nga kryetarët e Bashkisë por edhe këshilltarët. Po dëgjoja sot kandidatët e Ilir Metës, janë miniaturë atij. Konviktet po rregullohen. Edhe ata po mundohen t’i ngjajnë atij që është i pirë shumicën e kohës, bën selfie si pjeshkë blloku, është bërë gazi i botës.
Edhe ai kërkon të çmendurit e rinj. Këta Partia e Lekut kanë shumë para sa nuk i shohin fare faturat. Nuk i dinë sa janë çmimet, nuk e dinë që uji në Tiranë është më i lirë në Kamëz. Arsyeja pse përgjysmohen në çdo palë zgjedhje është se s’kanë lidhje me realitetin.
Të dy edhe Meta edhe Berisha zgjohen në Gjirin e Lalzit dhe nuk e dinë se Tirana ka ndryshuar. Ata nuk kanë lidhje, janë transit në Tiranë. Nëse Shqipëria është kaq keq, pse nuk ikin këta. Këtu opozita jeton më mirë se kudo. Këta janë njerëzit më të llastuar, pacientët e trajtuar më mirë”, tha Veliaj.
Veliaj e ka konsideruar vendimin e Berishës për protestë më 6 dhjetor në Tiranë si një tregues që ai është në gjendje të rëndë të shëndetit mendor.
“Është rasti konkret i doktorit që është shndërruar në pacient. Është rëndë. Duhet mirëkuptuar se është në situatë të rëndë. Një njeri që nuk kalon dot Aeroportin e Rinasit. I mbaron autoriteti në segmentin SHQUP-Rinas. Dhe ç’bën? Vjen i paftuar në një festë.
Merr të gjithë mërinë dhe pështirosjen publike. Ai aktivizohet sa herë ka një problem në Kosovë. Sa herë ka kriza në Kosovë ai krijon situata në Tiranë.
Është gjest shumë anti shqiptar. Ne nuk e kemi dhe në traditë të sillemi kështu me mikun. Kanë vendosur të diskretitohen deri në fund. T’i shtojë Zoti inatin. Këtu pyetja nuk është vetëm për pacientët Ilir dhe Sali por për ata që i ndjekin këta”, tha Veliaj.