Emigrantët shqiptarë me gomone “pushtojnë” Britaninë/ Rishi Sunak telefonatë me Edi Ramën (DETAJET)

Kryeministri Edi Rama pritet të zhvillojë gjatë kësaj jave një bisedë telefonike me kryeministrin e Anglisë Rishi Sunak.

Burime diplomatike në dijeni të zhvillimit të kësaj telefonate i thanë gazetarit të Top Channel Muhamed Veliu, se kjo telefonatë është kërkuar nga kryeministri Sunak.

Me të gjitha gjasat tema kryesore e bisedës do të jetë çështja e shqiptarëve që mbërrijnë me gomone në Angli. Një shqetësim konstant i kohëve të fundit për kabinetin qeverisës të Rishi Sinak.

Ndërkohë një ditë më parë qeveria angleze hodhi idenë e vendosjes së Shqipërisë në listën e bardhë duke i mohuar automatikisht të drejtën e kërkim azilit.

Sikurse dakordësimin e dërgimit të oficerëve shqiptarë të kontaktit në portin e Doverit Angli. Kryeministri Edi Rama e ka përsëritur thirrjen ndaj shqiptarëve për mos ta vënë jetën në rrezik e shkuar me gomone në Angli.

Megjithatë pala angleze pretendon se deri më tani këtë vit kanë mbërritur 12.000 të cilët kaluan kanalin anglez me gomone që përbëjnë 30% të totalit të atyre që kanë mbërritur me gomone gjate Janar-Nëntor 2022./ Top Channel

Back to top button
LAJMET E FUNDIT