Escobar nis takimet në Kosovë me vizitë në Manastirin e Deçanit

I dërguari special i Shteteve të Bashkuara të Amerikës, Gabriel Escobar, ka mbërritur në Kosovë.

Vizitën e ka nisur me një takim me udhëheqës të Manastirit të Deçanit.

Njoftimi për vizitën e Escobar është bërë përmes Twitter-it nga llogaria zyrtare e Manastirit.

“Sot Zëvendës Ndihmës sekretari amerikan Gabriel Escobar vizitoi Manastirin e Deçanit”, thuhet në njoftim.

Bashkë me të në vizitë ishte edhe Alyson Grunder, zëvendës-shefe e misionit në ambasadën amerikane në Kosovë.

“Jemi mirënjohës për përkushtimin e dëshmuar amerikan për të mbrojtur të gjitha komunitete dhe përkatësitë fetare në Kosovë”, thuhet në njoftim.

Escobar do po qëndron në Kosovë, bashkë me këshilltarin e Departamentit të Shteit, Derek Chollet.

Nga e hëna fillojnë takimet me liderët institucionalë dhe politik të Kosovës.

Vizitën ata do ta vazhdojnë në Serbi e shtete të tjera të Ballkanit Perëndimor.

Back to top button
LAJMET E FUNDIT