Ikje e bujshme nga Partia e Lirisë? Deputeti i njohur shkodran i bashkohet PS, por ende…

Agron Çela, një ndër deputetët më të spikatur të kryeqendrës së veriut, duket se është drejt bashkimit me Partinë Socialiste.

Kujtojmë se Çela drejtoi një vitin 2021 fushatën e LSI dhe arriti të nxirrte i vetëm mandatin e deputetit, me të cilin përfaqësohet në Kuvend.

Burime bëjnë me dije se deputeti shkodran ka vendosur “të braktisë” Partinë e Lirisë dhe t’ju bashkohet socialistëve.

Megjithatë, një konfirmim zyrtar mungon, nëse Agron Çela do të qëndrojë si i pavarur në Kuvend apo do të jetë pjesë e Grupit Parlamentar socialist.

Mesditën e djeshme, Agron Çela ka qenë në Shkodër, pranë njerëzve dhe ka organizuar një drekë të madhe për gratë dhe vajzat. Në prag të ndërrimit të viteve, deputeti i majtë ka mbledhur më shumë se 650 gra dhe vajza.

“Qindra gra dhe vajza nga qyteti i Shkodres kane marre pjese ne dreken festive te ketij fundviti, nje tradite organizimi kjo e pervitshme nen kujdesin e deputetit te qarkut te Shkodres, Agron Çela! Per disa ore ato festuan se bashku, ne nje atmosfere entuziaste nen shoqerine e kengetareve te shumte dhe te njohur nga publiku i gjere, te cilet ishin ftuar nga oganizatoret enkas per kete aktivitet”, shkruan Çela.