Lonely Planet sugjeron Shqipërinë si destinacion për t’u vizituar gjatë 2023

Blogu i famshëm i udhëtimeve, Lonely Planet ka përfshirë Shqipërinë si një prej destinacioneve për t’u vizituar gjatë vitit 2023.

Në listën me 30 shtete, të ndara në pesë kategori të cilat janë Ushqehu, Rrugëto, Çlodhu, Mëso dhe Lidhu, Shqipëria bën pjesë në këtë të fundit.

Si e përshkruan Lonely Planet Shqipërinë:

E mbyllur për të huajt për pjesën më të madhe të shekullit të 20-të, Shqipëria ka qenë prej kohësh enigma e Evropës Mesdhetare. Deri vonë, malet e saj të rrëmujshme, qytetet e kështjellave dhe plazhet e shndritshëm ishin thjesht një thashetheme në shumicën e hartave të udhëtimit. Por, me fundin e komunizmit në vitin 1991, Shqipëria hapi paraprakisht portat e saj. Turistët e parë kureshtarë që erdhën zbuluan një tokë ku kodet e lashta të sjelljes ende mbanin ndikim dhe ku era fishkëllinte nëpër rrënojat e copëtuara të vendeve gjysmë të harruara greke dhe romake. Një çerek shekulli pasi hoqën prangat e komunizmit, peizazhet mahnitëse malore të Shqipërisë, kështjellat e shkatërruara, kryeqyteti i zhurmshëm dhe plazhet e ëndërruara që rivalizojnë këdo në Mesdhe vazhdojnë të magjepsin. Por nxitoni këtu, sepse teksa flitet për atë që fsheh Shqipëria, rrjedha ende e vogël e turistëve kërcënon të kthehet në një përmbytje.