Pro-serbi Grenell akuzon Kurtin se po arreston protestues paqësorë në veri të Kosovës, i jep dhe “urdhër” si të veprojë
Ish-emisari special për dialogun Kosovë-Serbi gjatë presidencës së Donald Trump, Richard Grenell akuzon Kosovën si fajtore për tensionet në veri të vendit.
Grenell, i cili njihet tashmë për qëndrimet e hapura pro-serbe, ka habitur jo pak me deklaratën e tij të fundit për dhunën e ekstremistëve serbë në veri të Kosovës që prej ditësh mbajnë të bllokuara rrugët e vendit dhe qëllojnë me armë zjarri këdo që i afrohet.
Sipas Grenell, fajtor për këtë është kryeministri i Kosovës Albin Kurti.
“Dhuna e fundit në Kosovë është e papranueshme. Albin Kurti vazhdon veprimet e tij të njëanshme në veri, në kundërshtim me marrëveshjet ndërkombëtare”, shkruan Grenell, i cili ka dhe një propozim për Sekretarin amerikan të Shtetit Antony Blinken.
“Blinken duhet të kërkojë: Kurti të lirojë të burgosurit serbë dhe të përmbahet nga arrestimi i protestuesve paqësorë, të ndalojë dërgimin e forcave speciale në veri – duke kërkuar në të njëjtën kohë heqjen e barrikadave. E gjithë kjo duhet të bëhet në të njëjtën kohë”, shkruan ai.
The latest violence in Kosovo is unacceptable. @albinkurti continues his unilateral actions in the North in violation of international agreements – @ABlinken must demand:
Kurti release the Serbian prisoners and refrain from arresting peaceful protesters, and…
— Richard Grenell (@RichardGrenell) December 26, 2022