FOTO/ Kisha e Shën Prokopit në Tiranë do bëhet si shtëpitë turistike greke, projekti shkakton pakënaqësi
Projekti për rindërtimin e Kishës së Shën Prokopit në Tiranë ka shkaktuar jo pak revoltë pas devijimit arkitektonik origjinal.
Kisha u ndërtua në fillim të vitit 1780 pranë Liqenit Artificial në Tiranë, ndërsa në vitin 1940 do të vendosej gurthemeli nga kryepeshkopi Kristofor Kisi. Kisha u rindërtua sipas projektit arkitektonik nga i biri i Kristo Luarasit, inxhinieri Skënder Luarasi në vitin 1945.
Në vitin 2019 u mor vendimi për shembjen e Kishës, ndërsa sot në 2023 është publikuar edhe projekti për ndërtimin e Kishës në tokën ku kishte qenë. Megjithatë ky projekt ka ngjallur jo pak pakënaqësi. Të shumtë janë ata që argumentojnë se Kisha ka devijuar rrënjësisht, duke u influencuar nga stili grek i kishave.
“Arkitektura e re që shikoni ne modelin 3D (në foton mëposhtë) e mbështetur dhe paguar nga KOASH-i, ka tendenca të qarta tjetërsimi greqizimi në krahësim me variantin origjinal. Pasi lanë të shkatërroheshin dhe greqizuan kishat me vlera historike, artistike, arkitektonike, kulturore ..etj në jug të Shqipërisë, KOASH-i me tani po tjetërson edhe kishën e Shën Prokopit”, shprehet Albanian Historical Society.
Kisha e Shën Prokopit shfaqet edhe në filmin e heroit kombëtar të shqiptarëve, Gjergj Kastrioti Skënderbeu.
Ja si ka qenë kisha dikur dhe si do të duket sipas projektit të ri:
