Luan Baçi: Berisha, oksigjen për PD-në! Përjashtimet e deputetëve nga grupi parlamentar, veprim i turpshëm

Deputeti Luan Baçi ka komentuar vendimin për përjashtimin e katër deputetëve nga grupi parlamentar, duke e quajtur veprimin e Enkelejd Alibeaj, një veprim qesharak.

I ftuar në rubrikën “Opinion” në News24, Baçi ndër të tjera ritheksoi se Berisha është oksigjen për Partinë Demokratike.

“Veprimi qesharak i Alibeajt vërteton se ku e kanë katandisur veten Alibeaj dhe Basha. Dy mbeten personat që vazhdojnë diçka të tillë. Këta e bëjnë jo pa qëllim. PD ka marrë formën e saj, si në terren po ashtu edhe në parlament”, tha ai.

Kujtojmë se nga grupi u përjashtuan Tritan Shehu, Oerd Bylykbashi, Belind Këlliçi dhe Agron Shehaj.