Beteja për vulën e PD-së / Gjykata e Apelit cakton datën, ja kur do shqyrtohet çështja

Gjykata e Apelit të Tiranës ka vendosur të shqyrtojë në datën 3 mars çështjen e përkatësisë së vulës dhe logos të Partisë Demokratike.

Beteja në gjykatë është mes grupit të Enkelejd Alibeajt dhe pjesës të drejtuar nga Sali Berisha. Data e seancës së radhës është caktuar katër ditë përpara përfundimit të afatit të regjistrimit të zgjedhje vendore.

“Në vijim të komunikimit, duke marrë parasysh intersimin e mediave si dhe të opinionit publik, Gjykata e Apelit të Juridiksionit të Përgjithshëm, ju informon se:

Ankimi i Partisë Demokratike, ndaj vendimit nr. 3 datë 25.03.2022 (Gjyqtar Agron Zhukri) të Gjykatës së Rrethit Gjyqësor Tiranë, është planifikuar për tu gjykuar me datë 03.03.2023, ora 11:00, trupi gjykues përbëhet nga Relatore Gjyqtare Elona Mihali, anëtar Irida Kacerja dhe Astrit Kalaja”, bën me dije për media Gjykata e Apelit.