Noka thirrje protestuesve për ditën e nesërme: Parlamenti është i juaji!

Deputeti i Partisë Demokratike, Flamur Noka ka bërë thirrje për pjesëmarrje në protestë gjatë ditës së nesërme ndërkohë që do të mbahet seanca parlamentare.

Noka u përjashtua nga Kuvendi për 10 ditë, dhe nuk do të lejohet të jetë i pranishëm gjatë seancës plenare që do të mbahet ditën e nesërme.

Megjithatë ai ka njoftuar se do të jetë jashtë Parlamentit me të gjithë qytetarët që do t’i bashkohen protestës.

“Parlamenti nuk e shmang dot me sajesa dite seancën me debat dhe komisionin hetimor për çështjen Rama-McGonigal. Jashtë sallës plenare do të jeni ju, qytetarët e këtij vendi. Parlamenti është i juaji”, shkruan Noka në rrjetet sociale.