Patenta 85 mijë lekë? Gonxhe: Nuk është rritur çmimi, por s’ka më pagesa në të zezë

Drejtori i Përgjithshëm i Shërbimeve të Transportit Rrugor, Blendi Gonxhe sqaroi se nuk është rritur çmimi për marrjen e patentave por përmirësohet cilësia e autoshkollave. I ftuar në emisionin “Bardh a Zi” në Abc News, Gonxhe theksoi se synojnë që të luftojnë fiktivitetin në tregun e autoshkollave.

Ai u shpreh se nëse më parë qytetarët kanë paguar më pak, do të thotë se nuk kanë kryer programin e plotë të kursit. “Nuk është shtuar programi apo rritur çmimi është i njëjti program prej vitesh, i detyrueshëm për përgatitje për leje drejtimi sipas kategorive.“, u shpreh Gonxhe i ftuar në “Bardh a Zi”.

“Ne si Drejtori e Përgjithshme e Shërbimeve të Transportit Rrugor njihemi me faktin që drejtoria e përgjithshme e tatimeve bashkë me grupet e interesit del në përfundimin se një proces për kategorinë B në kuptimin e kursit, do të kushtonte 69 mijë lekë, në teori dhe praktikë.

Nëse do të zbatoheshin kriteret e detyrueshme fiskale edhe në vitin 2018, 2015 apo 2013, kursi do të kushtonte 69 mijë lekë. Çmimi i kursit dhe programi nuk ndryshon. Ndryshon vetëm fakti se shteti ndërhyn fort në këtë batërdi dhe thotë që nuk mund të jetë më diploma pa bërë mësim.”, tha Gonxhe.

Back to top button
LAJMET E FUNDIT