VIDEO: Forcat e Sigurisë së Kosovës priten me duartrokitje në Adana

Ka mbërritur në aeroportin e Adanës edhe kontingjenti i Forcave të Sigurisë së Kosovës, i cili është nisur për të dhënë ndihmë në zonat e prekura nga tërmeti në Turqi.

Në një video të postuar në rrjetin social Twitter, Fondacioni SETA në Uashington ka publikuar momentin kur kontingjenti i FSK-së pritet me duartrokitje nga të pranishmit në aeroport.

Trupat e FSK-së u nisën drejt Turqisë pas vendimit të djeshëm të kryeministrit Albin Kurti dhe autorizimit nga ana e presidentes Vjosa Osmani.

Ushtarakët e specializuar për operacione humanitar do të ndihmojnë Turqinë në zonat më të prekura nga tërmeti i së hënës.

Ndërkohë, Kosova ka shpallur Ditë Zie kombëtare datën 8 shkurt në përkujtim të të gjitha jetëve të humbura nga tërmeti shkatërrimtar që goditi Turqinë juglindore dhe Sirinë veriore.

Lajmi u bë publik nga presidentja Vjosa Osmani përmes një postimi në Gacebook. Osmani shkruan se “shkatërruese e këtij tërmeti ka tronditur zemrat e gjithsecilit, porse mbështetja ndaj njëri-tjetrit në këto ditë tmerri ngjallë shpresën dhe besimin se jeta do të triumfojë”.

Kosovo team headed to Adana receives applause from Turkish volunteers waiting for their own flights to the region #earthquake #deprem #Turkiye pic.twitter.com/LYocbtAO7E

— The SETA Foundation at Washington DC (@SETADC) February 7, 2023