Rrëzimi i dronit amerikan, Ministria ruse e Mbrojtjes: Do i përgjigjemi çdo provokimi nga SHBA në mënyrë proporcionale

Rusia do të “reagojë në mënyrë proporcionale” ndaj “provokimeve” të ardhshme të SHBA-së, kështu ka deklaruar Ministria ruse e Mbrojtjes, pas incidentit me dronin amerikan.

Rusia thotë se do të reagojë “në mënyrë proporcionale” ndaj çdo provokimi të ardhshëm të SHBA-së.

“Fluturimet e mjeteve ajrore strategjike amerikane pa pilot në brigjet e Krimesë janë të natyrës provokuese, gjë që krijon parakushte për përshkallëzimin e situatës në zonën e Detit të Zi”, tha Ministria ruse e Mbrojtjes.

“Rusia nuk është e interesuar për një zhvillim të tillë të ngjarjeve, por do të vazhdojë të përgjigjet në mënyrë proporcionale ndaj të gjitha provokimeve”.

Ditën e djeshme një dron amerikan pa pilot që ishte duke fluturuar mbi Detin e Zi, u shoqërua nga dy avionë luftarakë rusë, të cilët më pas dyshohet se e qëlluan duke e rrëzuar. Droni ishte duke fluturuar në hapësirë ndërkombëtare, ndërsa SHBA ka kritikuar mënyrën e veprimit të rusisë.

Pas rrëzimit, autoritetet ruse kanë deklaruar se do tentojnë të rikuperojnë dronin, në mënyrë që të zbulojnë për teknologjinë amerikane të përdorur në të.

Back to top button
LAJMET E FUNDIT