“Të më thonin hap krahun, sesa të më bënin gjyqe politike”, zbardhet DËSHMIA e Lefter Allës pas arrestimit për abuzim me tenderin e Ujësjellësit

Kryebashkiaku i  arrestuar i Bulqizës Letfer Alla, i ka cilësuar si politike, akuzat e ngritura ndaj tij.

“Në gjykimin tim më mirë të më thoshin hap krahun, se sa të bëhen këto gjyqe politike.Nuk kam shkelur ligjin”, është shprehur ai.

Alla u arrestuam katër ditë më parë me urdhër të SPAK, pasi akuzohet për abuzime me tendera.

Ndaj kryebashkiakut rëndojnë akuzat si: “Shkelja e barazisë së pjesëmarrësve në tendera apo ankande publike”, “Shpërdorimi i detyrës”, “Falsifikimi i dokumenteve”, “Falsifikim i formularëve” për abuzim me fondet për tenderin e një Ujësjellësi.

Lefter Alla akuzohet se favorizoi një kompani për ndërtimin e ujësjellësit në lagjen e vjetër të Bulqizës, duke shkaktuar dëm të konsideruar në buxhetin e shtetit. Punimet janë kryer nga kompania, OE 2AF Albania shpk, që rezulton se kishte lidhje shoqërore me kryetarin e Bashkisë.