A e shkeli Serbia marrëveshjen? Zëdhënësi i BE refuzon të përgjigjet, tre gazetarë e pyesin për votën kundër anëtarësimit të Kosovës (VIDEO)

Zëdhënësi i Bashkimit Evropian, Peter Stano tha se institucionet e Brukselit “janë në dijeni” se Serbia votoi kundër aplikimit të Kosovës për anëtarësim në Këshillin e Evropës.

Megjithatë, Stano nuk deshi t’i përgjigjet pyetjes nëse BE-ja e konsideron këtë veprim shkelje të Marrëveshjes së Ohrit.

Më 18 mars 2023, Kurti dhe Vuçiç u pajtuan në Ohër për Aneksin e zbatimit të marrëveshjes mes dy vendeve dhe neni 4 i saj thotë se Serbia nuk do të kundërshtojë anëtarësimin e Kosovës në institucionet ndërkombëtare.

Por, dje gjatë votimit për marrjen në shqyrtim të aplikimit të Kosovës për anëtarësim në Këshillin e Evropës, Serbia ka votuar kundër duke shkelur këtë marrëveshje. Tre gazetarë të ndryshëm e pyetën zëdhënësin e BE, por ai nuk dha një përgjigje nëse marrëveshja u shkel.

Megjithatë, Peter Stano konfirmoi se marrëveshja e arritur në Ohër është ende e vlefshme dhe se fokusi i të gjithëve duhet të jetë në zbatimin e të gjitha marrëveshjeve të arritura deri më tani, në kuadër të dialogut mes Kosovës dhe Serbisë, që ndërmjetësohet nga blloku evropian.

"I'm going to close this unless you ask another question."

EU's spokespersons categorically refuse to answer whether Serbia violated the Brussels/Ohrid agreement by objecting to Kosovo's bid to join @coe.

3 different journalists ask the question, to no avail. pic.twitter.com/RxW3EahsaG

— Admirim (@admirim) April 25, 2023