Vjosa Osmani “provokon” Albin Kurtin, poston foto me Ramën: Forcimi i bashkëpunimit mes dy shteteve tona është në të mirë të qytetarëve tanë

Presidentja e Kosovës, Vjosa Osmani, ka reaguar pas takimit të zhvilluar gjatë ditës së sotme me kryeministrin Edi Rama në Prishtinë.

Komentet Osmani i bëri përmes një reagimi në Facebook, ku tha se gjatë takimit u diskutuan proceset e ardhshme në agjendën ndërkombëtare, me fokus në Samitin e NATO-s dhe Samitin e Procesit të Berlinit.

Ajo shtoi gjithashtu se forcimi i mëtejshëm mes dy shteteve tona është në të mirë të qytetarëve dhe të ardhmes së përbashkët euroatlantike.

“Me kryeministrin Edi Rama diskutuam sot proceset e ardhshme në agjendën ndërkombëtare, me fokus në Samitin e NATO-s dhe Samitin e Procesit të Berlinit.

Forcimi i mëtejmë i bashkëpunimit në mes të dy shteteve tona është në të mirë të qytetarëve tanë dhe në të mirë të së ardhmes sonë të përbashkët euroatlantike”, shkruan ajo.