“Asgjesim total i Hamasit”/ Netanyahu i jep URDHRIN E PRERË ushtrisë izraelite: Nuk ka falje për ta

Kryeministri i Izraelit, Benjamin Netanyahu i thotë një grupi ushtarësh pranë kufirit të Gazës se Izraeli është në rrugën të mbarë drejt një fitoreje të madhe.

“Ne do të fitojmë me të gjitha forcat tona,” i thotë Netanyahu grupit të ushtarëve. “I gjithë Izraeli është pas jush dhe ne do të godasim ashpër armiqtë tanë në mënyrë që të arrijmë fitoren.”

Asnjë falje – vetëm asgjësimi total i Hamasit, u thotë po ashtu trupave ministri i Mbrojtjes i Izraelit.

Duke folur për sulmin e Hamasit ndaj Izraelit më 7 tetor, ai tha: “Nuk ka falje për këtë gjë. Vetëm asgjësimi total i organizatës Hamas – infrastruktura terroriste, gjithçka që ka të bëjë me terroristët dhe kushdo që i dërgoi ata.

“Do të duhet një javë, do të duhet një muaj, do të duhen dy muaj, derisa t’i eliminojmë ata. Ju nuk jeni vetëm në betejë,” u tha ai trupave të këmbësorisë, të cilët po presin fillimin e një operacioni të pritshëm tokësor.

“Ne kemi besim total tek ju,” tha ai.

Vetëm disa ditë para sulmit të 7 tetorit të Hamasit në jug të Izraelit dhe bombardimeve të mëvonshme të Gazës nga Forcat Ajrore izraelite gjërat dukeshin më optimiste se zakonisht në Lindjen e Mesme.

Arabia Saudite dhe Irani, dy rivalët rajonalë të peshave të rënda, kishin rënë dakord të varrosnin mosmarrëveshjet e tyre në një marrëveshje të nënshkruar nga Kina.

Të inkurajuar nga Uashingtoni, sauditët ishin në rrugë të mbarë për të normalizuar lidhjet me Izraelin.

Maroku, Bahreini, Sudani dhe Emiratet e Bashkuara Arabe e kishin bërë tashmë këtë.

Vërtet, tensionet po rriteshin në Bregun Perëndimor dhe Izraeli ishte në trazira të brendshme politike, por me sa duket askush nuk e pa se çfarë do të ndodhte në kufirin e Gazës.

Dymbëdhjetë ditë më vonë dhe Lindja e Mesme është tani në një gjendje shumë të pasigurt, me rrezikun e një konflikti shumë më të madh që përfshin vendet e tjera.