SKUALIFIKOHET DONALD TRUMP! Nuk mund të kandidojë në zgjedhjet presidenciale të SHBA

Ish-Presidenti Donald J. Trump nuk ka të drejtë të rizgjidhet në postin më të lartë në Shtetet e Bashkuara, pas vendimit të sotëm nga Gjykata e Lartë e Kolorados, duke pranuar argumentin se Amendamenti i 14 e skualifikon atë në një vendim të befasishëm që mund të përmbysë zgjedhjet e 2024-s.

Në një vendim tronditës dhe të paprecedentë, Gjykata e Lartë e Kolorados hoqi ish-presidentin Donald Trump nga votimi i shtetit për vitin 2024, duke vendosur se ai nuk do të jetë një kandidat presidencial i përshtatshëm për shkak të Amendamentit të 14-të, që rrëzon kanditaturën e atyre që kanë marrë pjesë në kryengritje kundër Kushtetutës.

Vendimi do të mbahet në pritje deri më 4 janar, në pritje të apelit të Trump në Gjykatën e Lartë të SHBA-së, e cila mund të zgjidhë çështjen për kombin.

Vendimi i Gjykatës së Lartë të shtetit zbatohet vetëm për Koloradon, por vendimi historik do të prishë fushatën presidenciale të vitit 2024. Zyrtarët zgjedhorë të Kolorados kanë thënë se çështja duhet të zgjidhet deri më 5 janar, që është afati ligjor për të përcaktuar listën e kandidatëve për zgjedhjet paraprake të planifikuara për 5 mars.

“Presidenti Trump nuk nxiti thjesht kryengritjen”, shkruante shumica në opinionin e saj të panënshkruar. “Edhe kur rrethimi i Kapitolit ishte plotësisht në zhvillim e sipër, ai vazhdoi ta mbështeste atë duke kërkuar vazhdimisht që zëvendëspresidenti (Mike) Pence të refuzonte të kryente detyrën e tij kushtetuese dhe duke thirrur senatorët që t’i bindnin ata të ndalonin numërimin e votave elektorale. Këto veprime përbënin pjesëmarrje të hapur, vullnetare dhe të drejtpërdrejtë në kryengritje.”

Ata pohuan konkluzionet kryesore se veprimet e zotit Trump para dhe më 6 janar 2021 përbënin përfshirje në kryengritje dhe se gjykatat kishin autoritetin për të zbatuar Seksionin 3 kundër një personi të cilin Kongresi nuk e kishte caktuar në mënyrë specifike.

“Shumica e gjykatës mendon se Presidenti Trump është skualifikuar nga mbajtja e detyrës së presidentit sipas Seksionit Tre të Amendamentit të Katërmbëdhjetë të Kushtetutës së Shteteve të Bashkuara,” shkroi gjykata në një vendim 4 me 3. “Për shkak se ai është skualifikuar, do të ishte një veprim i gabuar sipas Kodit Zgjedhor që Sekretari i Shtetit të Kolorados ta listonte atë si kandidat në zgjedhjet paraprake presidenciale.”