DETAJE/ Blinken dhe ministri Hasani nënshkruajnë dy marrëveshje në kryeministri

Sekretari Antony Blinken dhe ministri i Jashtëm kanë nënshkruat marrëveshjet e bashkëpunimit në Kryeministri.

Nënshkrimi është bërë pak më parë, teksa në momentin e nënshkrimit të marrëveshjeve i pranishëm ishte edhe kryeministri Edi Rama. Ndërkohë pas firmosjes së marrëveshjeve, Antony Blinken dhe kreu i qeverisë nisën konferencën për shtyp.

Një nga marrëveshje e nënshkruara ka të bëjë me një Memorandum mirëkuptimi, ndërmjet qeverisë së Republikës së Shqipërisë (Këshilli i Ministrave) dhe qeverisë së Shteteve të Bashkuara të Amerikës, për programin e shkëmbimit akademik “Fulbright”.

Po ashtu, mes dy vendeve u nënshkrua dhe një Memorandumit mirëkuptimi kundër manipulimit të informacionit të shtetit të huaj, sipas tekstit që i bashkëlidhet këtij vendimi.

Prej orës 11:26, Sekretari Amerikan i Shtetit vijon vizitën zyrtare në Tiranë. Në aeroportin ‘Nënë Tereza’ u prit nga ministri i Jashtëm Igli Hasani dhe i deleguari me punë i ambasadës amerikane në Tiranë.

Takimin e parë në kryeqytetin shqiptar e pati me disa përfaqësues të familjeve afgane, të cilat strehohen në Shqipëri pasi i ikën talebanëve në Afganistan. Më pas u takua me presidentin Bajram Begaj në presidencë. Kryeministri Edi Rama, të cilit paradite iu desht të ishte në Bruksel, takoi numrin dy të administratës amerikane tek Piramida.