Largohet nga drejtimi i IdentiTek Loina Prifti, ja kush do e zëvendësojë!
Një vit e gjysmë pasi u emërua në krye të kompanisë publike të prodhimit të pasaportave biometrike dhe kartave të identitetit, IdentiTek, largohet nga kjo detyrë Loina Prifti.
Vendin e Priftit e ka zënë Freskida Halilaj, e cila vjen nga një eksperiencë e gjatë në telekomunikacion.
Freskida Halilaj u prezantua në krye të këtij institucioni nga ministri i Brendshëm Ervin Hoxha në prani të stafit të kompanisë dhe Këshillit Mbikëqyrës.
Sipas ministrit, drejtuesja e re do të çojë përpara projektet e nisura, ku ndër më kryesorët është Identiteti Digjital për shtetasit shqiptarë.
