Festa që u kthye në TRAGJEDI/ Publikohen FOTOT e të rinjve që humbën jetën nga zjarri në Koçan

Një zjarr shkatërrues në një diskotekë në qytetin e Koçanit, Maqedonia e Veriut, ka marrë jetën e të paktën 59 personave, ndërsa mbi 155 të tjerë kanë mbetur të plagosur. Tragjedia ndodhi gjatë një koncerti, kur pajisjet piroteknike ndezën materialet e ndezshme në tavanin e lokalit, duke përhapur flakët me shpejtësi.

Familjarët e viktimave dhe të zhdukurve përdorën rrjetet sociale për të kërkuar të dashurit e tyre, duke publikuar fotografi dhe numra telefoni, pasi nuk kishin informacion për fatin e tyre.

Autoritetet kanë arrestuar 15 persona, përfshirë organizatorët e eventit dhe zyrtarë që dyshohet se kanë falsifikuar licencat për funksionimin e lokalit. Ndërkohë, hetimet vazhdojnë për të përcaktuar përgjegjësitë dhe shkeljet e mundshme të sigurisë.

Kryeministri Hristijan Mickoski ka shpallur 7 ditë zie kombëtare, duke premtuar mbështetje për familjet e viktimave dhe drejtësi për tragjedinë. Ngjarja ka nxitur debat mbi masat e sigurisë në vendet publike, ndërsa opinioni publik kërkon transparencë dhe llogaridhënie.

Back to top button
LAJMET E FUNDIT