Plagosja e 5 personave në Laç, policia gjen armën e krimit. Autori e kishte hedhur në një kantier ndërtimi

Paraditen e të shtunës, qyteti i Laçit u trondit nga një ngjarje e rëndë. Pesë persona pas një konflikti, i dyshuar për motive banale, mbetën të plagosur me armë zjarri.

Pas kërkimeve në zonë, grupi hetimor ka arritur të gjejë armën e krimit, e cila dyshohet të jetë përdorur në ngjarjen e sotme. Arma e zjarrit u gjet e hedhur pranë një pallati, i cili ishte në ndërtim e sipër.

Të plagosurit janë Liridon Ismaili Daniel Gjeloshi Geri Bitri, Angjelina Gjezaj, Amarildo Ndoj, të cilët janë transportuar te Trauma.

Mësohet se dy prej personave të plagosur janë në gjendje të rëndë.