“Hajduti kronik!” Ish-sekretari i ia nxjerr Endri Shabanit të “palarat”: Ka falsifikuar aktet…

Një ndër debatet për të cilat është duke i diskutuar gjerë e gjatë gjatë ditëve të fundit është ai i Endri Shabanit dhe Adriatik Lapajt. Mesa duket “hesapet” e bëra në tavolinë para zgjedhjeve të 11 Majit, nuk rezultuan të ishin afatgjata. Kreu i “Nismës Thurje” akuzon Lapajn, ndërkohë ky i fundit akuzon Shabanin.

E së fundmi, lidhur me gjithë këtë “zhurmë” e cila ka ardhur për shkak të mandatit të deputetit i cili po tentohet t’i merret Lapajt nga daja i Endri Shabanit, ka reaguar edhe ish-Sekretari i Përgjithshëm i “Nismës Thurje”.

Përmes një postimi në llogarinë e tij në “Facebook”, Napolon Laska, ka zbuluar dhe ka nxjerrë prapaskenat e ndodhura brenda kësaj force politike që prej themelimit të saj si parti në fund të vitit 2020.

Laska ka akuzuar ish-kolegun e tij të partisë, duke e thënë qartë se Shabani përgjatë gjithë këtyre viteve ka menduar vetëm se si të “pasurojë veten”.

Ish-sekretari thotë se “Nisma Thurje” u konceptua ndryshe nga aprtitë tradicionale, me një model demokratik të brendshëm, ku kryetari kishte mandat dy-vjeçar pa të drejtë rizgjedhje dhe e nuk gëzonte kompetenca vendimarrëse.

Me konsensus, drejtimin format të partisë e mori Shabani, ndonëse ai ishte përfshirë në këtë forcë politike shumë më pas. Por, sipas Laskës, Shabani ka pasur plan tjetër: “të siguronte kontroll tëp ltoë mbi partinë, dhe të uzurponte të gjitha fondet e KQZ”.

Madje, sipas tij të gjitha aktet e paraqitura në gjykatë për ndryshime në forume drejtuese pas zgjedhjeve janë falsifikuar, pasi kurrë nuk janë mbledhur kongreset apo forumet përkatëse siç kërkon statuti.

“Ndërkohë që të gjithë ishim përqendruar në fushatë Endri Shabani e kishte mendjen si të linte vetëm veten në parti, për të administruar fondet që do vinin nga KQZ.

Çdo akt i dorëzuar në gjykatë, para dhe pas zgjedhjeve të vitit 2021, për shkarkime apo zgjedhje apo zgjatje mandati në forumet drejtuese në parti është falsifikuar pasi asnjherë nuk është mbledhur kongresi dhe forume të tjera të partisë”, thotë ai ndër të tjera.

Postimi i plotë: 

Si themelues dhe ish Sekretar i Përgjithshëm i Nisma Thurje duke marrë shkas nga zhvillimet e ditëve të fundit, nuk mund të rri i heshtur dhe pa thënë disa gjëra të cilat meritojnë vëmendjen e publikut.

Kur është themeluar Nisma Thurje si parti, në fund të vitit 2020, statuti parashikonte që mos të kishte një kryetar të modelit të forcave të vjetra politike, por të kishte rotacion çdo 2 vite pa të drejtë rizgjedhjeje.

Gjithashtu, kryetari edhe pse i sanksionuar në statut si i tillë për shkak të kërkesave të ligjit, nuk kishte të drejtë vendimmarrje, por vendimmarrjen e kishte Çentrali, organ I partisë në të cilin vendimet merreshin në mënyrë demokratike.

Me konsensus në atë kohë, edhe pse ishte përfshirë shumë vonë në Thurjen si organizatë, u vendos që Endri Shabani të ishte kryetar i parë I partisë, ndërkohë u vendos që unë të isha Sekretar i Përgjithshëm.

Ndërkohë që të gjithë ishim përqendruar në fushatë Endri Shabani e kishte mendjen si të linte vetëm veten në parti, për të administruar fondet që do vinin nga KQZ.

Pas zgjedhjeve të vitit 2021 duke qenë se Nisma Thurje përfitiu rimbursim për çdo palë zgjedhje të shpenzimeve dhe një fond rreth 240 mijë Euro në 4 vite.

Çdo akt i dorëzuar në gjykatë, para dhe pas zgjedhjeve të vitit 2021, për shkarkime apo zgjedhje apo zgjatje mandati në forumet drejtuese në parti është falsifikuar pasi asnjherë nuk është mbledhur kongresi dhe forume të tjera të partisë.

Sigurisht që pas zgjedhjeve u kujdes që të largoheshin dhe ata pak anëtarë që kishin ngelur, duke e kthyer Nisma Thurje nga shpresë për ndryshim në atë kohë, në Partinë njeriut të Vetëm.

Të gjitha këto falsifikime dhe qëndrimi i tij në krye të partisë në kundërshtim me statutin sigurisht që janë bërë për të vjedhur 240 mijë Eurot e akorduara nga KZQ.

Ndaj sot, nuk jam i habitur që ky hajdut kronik tenton të vjedhë mandatin e Adriatik Lapajt dhe Lëvizjes Shqipëria Bëhet duke shkelur mbi mundin dhe djersën jo vetëm të Adriatikut por të qindra dhe mijëra aktivistëve e mbi të gjitha mbi besimin e mbi 70mijë votuesve.

Hajdutët në politikê i kemi provuar, na dalin e teprojnë kêta që kemi.

Si shokët edhe Shabani do vejë në burg ku e ka vendin si hajdut e mashtrues.