“Tu luta më beso, Shabani është njeriu i Veliajt”, Lapaj i penduar i përgjigjet profesorit nga Saranda: Më shkruajte 100 herë, e pranoj!

Pas kërkesës së Zeqir Kordhonit në KQZ, se do të mbajë mandatin e deputetit që fitoi nga koalicioni “Nisma Bëhet”, Adriatik Lapaj dhe Endri Shabani kanë nisur një përplasje virtuale ku hedhin akuza ndaj njëri-tjetrit.

Adriatik Lapaj i cili u fut në zgjedhje në koalicion me Endri Shabanin e Nismës Thurje, shpërtheu i indinjuar përmes një postimi në Facebook ku u shpreh se nuk e dinte se do luftohej nga ana që ‘’i futa në gji”.

Të shumta kanë qenë reagimet publike, një ndër to edhe profesori nga Saranda Skerdjan Dhuli i cili i komenton se i ishte lutur, i kishte shkruar qindra herë duke e paralajmëruar të mos dilte në koalicion me Shabanin, pasi ishte njëriu i Veliajt, por Lapaj nuk e kishte dëgjuar.

Këtë koment e ka konfirmuar dhe vetë Adriatiku i cili i shkruan se e pranon që iu lut dhe paralajmëroi, por si duket tashmë shumë vonë.