Vranë me tel Anesti Ramën, lihen në burg autorët

Gjykata e Fierit ka caktuar masën ”arrest në burg” për tre të akuzuarit e vrasjes së 56-vjeçarit, Anesti Rama, i cili u dhunua dhe u mbyt me tel disa ditë më parë në banesën e tij në fshatin Frashër të Patosit.

Sipas hetimeve të deritanishme, Anesti Rama është mbytur me tel nga e bija 26-vjeçare, Ermalinda Rama si edhe i dashuri i saj 55-vjeçar, Çlirim Dogani, ndërkohë që e ëma e 26-vjeçares, Valbona Rama (njëkohësisht bashkëshortja e Anesti Ramës) ka ndihmuar ne pastrimin e gjurmëve te krimit dhe fshehjen e provave.

Nënë e bijë mohuan përfshirjen në vrasjen e Anesti Rama dhe thanë se nuk dijnë asgjë se kush e ka vrarë, thjesht e gjetën të vdekur.

Pas provave të mbledhura nga policia, u vendos masa shtrënguese burg për Emalinda Rama, Valbona Rama dhe Çlirim Dogani.