VIDEOLAJM/ Erion Veliaj niset sërish drejt qelisë, shpreh ndjenjat përpara kamerave kur del nga “Kushtetuesja” (DEKLARATA)

“Ju dua shumë”. Kjo ka qenë deklarata e Erion Veliajt për mediat pasi doli nga ambientet e Gjykatës Kushtetuese për të shkuar sërish drejt paraburgimit të Durrësit.

“Forca kryetar, forca”, u dëgjuan disa zëra pranë Gjykatës Kushtetuese teksa Erion Veliaj po linte ambientet e gjykatës pas një seance maratonë prej 7 orësh.

Gjykata Kushtetuese është tërhequr për vendim ndërsa Erion Veliaj nuk doli nga dera ku hyri, por nga një tjetër që përfundon në oborrin e Kryesisë së Kuvendit, aty ku e priste furgoni i Policisë së Burgjeve.