Gazetarja jep detaje nga dëshmia e Berishës për “21 Janarin”: Ngjarja është konsideruar krim shtetëror dhe ka fajtorë

Gazetarja Klodiana Lala ka zbuluar detaje nga dëshmia e kreut të PD-së Sali Berisha në SPAK për çështjen e 21 Janarit.

Lala tha se Berisha qëndroi për rreth 2 orë në ambientet e SPAK në momentin e paraqitjes.

Gazetarja tha se Sali Berisha ka mohuar në mënyrë kategorike të ketë dhënë urdhër për të qëlluar mbi qytetarët dhe se punonjësit e Gardës, kanë zbatuar ligjin e miratuar nga vetë socialistët.

“Berisha shkonte për ‘21 Janarin’ për herë të parë pas 14 vitesh. Dha një dëshmi rreth 2 orë. Ngjarja është konsideruar krim shtetëror dhe ka fajtorë. SPAK po heton cili është funksionari politik që dha urdhër të qëllohet mbi protestuesit,” tha Lala në News24.