Kuvend, deputetët e PD pengojnë nisjen e seancës, ulen në karriget e ministrave

Ka nisur me protestë seanca e sotme në Kuvend teksa pritej betimi i Avokatit të Popullit, Endrit Shabani.

Deputetë të Partisë Demokratike kanë bllokuar foltoren dhe janë ulur në karriget e ministrave.

Kjo ka bërë që Garda e Republikës të ndërhyjë teksa forca të shumta ndodhen në sallë.

Nuk dihen ende pretendimet e opozitës. Në sallë ndodhet edhe kryeministri Edi Rama.