VIDEO/ Takimi me Donald Trump, Gjergj Luca vlerëson Presidenten Vjosa Osmani

Biznesmeni Gjergj Luca ka shprehur vlerësime të larta për Presidenten e Kosovës, Vjosa Osmani, pas takimit të saj me Donald Trump në kuadër të Bordit të Paqes.

Përmes një postimi publik, Luca e ka cilësuar Presidenten Osmani si një figurë të fortë dhe të vendosur.

Ai ka theksuar se Kosova përfaqësohet denjësisht nga një lidere që nuk lëshon pe dhe që di të mbrojë interesat kombëtare në tryeza ndërkombëtare.

“Në një politikë të dominuar nga burra, Vjosa Osmani tregon forcë, karakter dhe vendosmëri. Një kërkesë për presidenten tonë: t’i vërë në rresht gjithë burrat e politikës sonë, t’i kapë sedra e të bëjnë punë më të mira”, shkruan Luca.

Sipas tij, prania dhe roli i Presidentes Osmani në Bordin e Paqes dëshmon peshën gjithnjë në rritje të Kosovës në skenën ndërkombëtare, si dhe nevojën për lidership të fortë e vizionar në rajon.