Para deklaratës së Mitsotakis për detin Jon, ministri grek telefonoi Ramën, ja për çfarë folën

Kryeministri grek Kyriakos Mitsotakis sot në parlament deklaroi se Greqia do të zgjerojë kufirin detar me 6- 12 milje në detin Jon.

Ai bëri me dije se për këtë është informuar edhe ministri i Jashtëm Nikos Dendias, ndërsa shtoi se ai do të zhvillojë shumë shpejt një vizitë në Tiranë.

Kaq u desh që të ndizej debati politik dhe mediatik. Pas kësj deklarate ka ardhur reagimi i kryeministrit Edi Rama.

Rama është ngacmuar nga një komentues në rrjete sociale i cili i ka shkruar se ujërat detare ia ka falur Greqisë. Përgjigja e kryeministri ishte me tone të forta ironie, ku thekson se nuk falen detet e tokat si rroba.

Mirëpo zbulohet se para deklaratës së Mitsotakis në parlament, ministri i jashtëm grek, Nikos Dendias i cili së shpejti do të vizitojë Tiranën telefonoi dje Ramën.

“Në një bisedë telefonike me Kryeministrin e Shqipërisë, @ediramaal, diskutuam marrëdhëniet bilaterale midis Greqisë dhe Shqipërisë dhe zhvillimet në rajonin tonë”, shkruan në twiiter Dendias.