Netanyahu: Kosova do të normalizojë marrëdhëniet me Izraelin

Kryeministri i Izraelit, Benjamin Netanyahu tha këtë të premte se Kosova do të normalizojë marrëdhëniet me Izraelin.

Deklarata vjen menjëherë pas nënshkrimit të marrëveshjes për normalizimin ekonomik mes Serbisë dhe Kosovës, marrëeshje që u firmos sot në Shtëpinë e Bardhë, ku i pranishëm ishte edhe presidenti amerikan Donald Trump.

Trump e quajti historike marrëveshjen dhe tha se Izraeli ka vendosur të normalizojë marrëdhëniet dhe të hedhë themelet e marrëdhënieve diplomatike mes dy vendeve.

Netanyahu gjithashtu falenderoi presidentin serb Aleksandër Vuçiç për “vendimin që të njohë Jeruzalemin si kryeqytet të Izraelit” duke zhvendosur aty ambasadën.