Ambasada Amerikane jep lajmin e mirë: Tre vaksina anti-Covid janë drejt përfundimit

Ambasada Amerikane në Tiranë ka dhënë një njoftim të rëndësishëm lidhur me vaksinat anti-Covid.

Tre vaksina kundër Covid-19, të financuara nga Shtetet e Bashkuara kanë hyrë në fazën e tretë të testimeve klinike, hapi i fundit drejt krijimit të një vaksine të sigurt dhe efektive para miratimit nga qeveria.

“Nderkohë që vaksinave zakonisht iu duhen vite për t’u përfunduar, përmes operacionit Warp Speed, administrata po investon miliarda dollarë për të përshpejtuar krijimin, prodhimin dhe shpërndarjen e tyre.

Dhjetra mijëra njerëz janë ofruar të testojnë vaksinën në mënyrë vullnetare, për t’u siguruar që ato të jenë të sigurta dhe efektive para se të aprovohen për përdorim të gjerë,” njofton ambasada.