Ulje drastike e shifrave të Covid-19 në Kosovë: Bie numri i viktimave dhe rasteve të reja, mbi 100 të shëruar
Instituti Kombëtar i Shëndetësisë Publike të Kosovës ka bërë publike shifrat e fundit përsa i përket situatës së koronavirusit në vend.
Në 24 orët e fundit është shënuar vetëm 1 viktimë, duke e çuar në 617 numrin e përgjithshëm të jetëve të humbura.
Me 46 rastet e reja, numri total i të infektuarve ka shkuar në 15.379. Së fundmi janë shëruar 101 persona, duke bërë që që nga fillimi i pandemisë të regjistrohen gjithsej 13.088 të shëruar.
Njoftimi i Ministrisë
101 TË SHËRUAR DHE 46 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 664 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 46 raste pozitive. Brenda 24 orëve është raportuar një rast i vdekjes me SARS CoV-2 pozitiv.
Numri total i rasteve pozitive është 15.379 raste nga 64.894 persona të dyshimtë në virusin SARS-CoV-2 dhe 617 raste të vdekjes.
Gjatë 24 orëve të fundit, janë shëruar 101 pacientë derisa numri i përgjithshëm i të shëruarve deri më sot është gjithsej 13.088 raste, kurse numri i rasteve aktive është 1.674.
Rastet pozitive janë nga: komuna Prishtinë 15 raste, komuna Fushë Kosovë 5 raste, komuna Gjakovë 5 raste, komuna Mitrovicë 5 raste, komuna Podujevë 4 raste, komuna Prizren 3 raste, komuna Gjilan 2 raste, komuna Pejë 2 raste, komuna Vushtrri 2 raste dhe me nga një rast komunat Drenas, Ferizaj dhe Malishevë.
Mbuloni gojën dhe hundën me maskë!
Mbani higjienën!
Respektoni distancën!